sid ahmed
عدد الرسائل : 1553 العمر : 33 نقاط : 56004 4 ( mms ) : تاريخ التسجيل : 18/01/2009
| موضوع: يا صباح القلق و التخاريف و العقل الخفيف********** منقول السبت يناير 31, 2009 7:45 pm | |
| يا صباح القلق و التخاريف و العقل الخفيف
أحيانا بتحصلي إن عيني بترف.. بس المرادي الحالة دي طولت معايا بقالي أسبوع وأنا عيني بترف
شوية عيني اليمين..وشوية عيني الشمال
بس اليومين دووول عيني الشمال هي بس إللي بترف وبكتب الموضوع دلوقتي وهي بترف كل فترة كده
المهم بعمل بحث في جوجل عن سبب رعشة الجفن لقيت إستشارة طبية بتقول إنه قلق أو إرهاق أو أي تعب نفسي وكلام من ده
وأنا فعلا يمكن أكون قلقان اليومين دووول بس عادي يعني..مش أول مرة أقلق في حياتي عشان عيني ترف طول الأسبوع كده على فترات
بس وأنا قاعد كده مع نفسي.. وبعمل بحث في ذاكرتي المرادي
أفتكرت كلام (خرافات) جدتي.. (الخرافات إللي تخلي عقلك فاضله دقيقة ويخف) ^ ^ ^ ^ ^ لما عينك اليمين ترف يبقى في خير هيحصلك.. ولما عينك الشمال ترف يبقى في شر هيحصلك..
ولو جالك هرش في إيديك اليمين..ولقيت نفسك عمال بتهرش فيها..يبقى في رزق هيجيلك
ولو وأنت ماشي طير عمل حمام ونزلت على دماغك..يبقى هتجيلك هدية
ولو القهوة إتدلقت منك ما تقلقش..أصل دلق القهوة خير
ولو لقيت شبشبك مقلوب إعدله..أصل الشبشب المقلوب فال وحش ويجيب النكد ^ ^ ^ ^
أنا طبعا مش بصدق خااااااااالص الخرافات دي
وفـ رأيي إللي بيخلي الخرافات دي ممكن تتحقق..إقتناع عقل الإنسان بيها لأن معروف أن العين ترى والأذن تسمع مايصدقه العقل
وفي مقولة للدكتور عائض القرني في كتابه (لا تحزن)..عجبتني أوي..بيقول فيها: (( حياتك من صنع أفكارك..فالأفكار التي تستثمرها وتفكر فيها وتعيشها هي التي تؤثر في حياتك..سواء كانت في سعادة أو شقاء ))
بس عارفين إيه المشكلة.. لما تكون أنت أصلا لوحدك قلقان..وفـ أوضاع قالقاك..وخايف حاجة وحشة تحصل.. وتيجي عينك ترف يروح حد يقولك يبقى في حاجة وحشة هتحصلك.. وأنت أصلا قلقان خلقة..يعني مش ناقص حد يجي يكمل عليك ويقلقك أكتر ويفول في وشك بخرافة هبلة زي دي
السؤال بقى..
إيه رأيك في الخرافات دي.. بتصدق بيها..يعني ممكن تتفاءل وتتشائم بيها؟
وهل حصلك قبل كده إن خرافات من دي أتحققت معاك ولو بالصدفة.. ولما إتحققت بالصدفة هل صدقتها وأقتنعت بيها؟
إحكيلنا أي موقف حصل معاك عن خرافة معينة..أو أي كلام أهبل سمعته عن خرافة معينة..وإيه تأثير الموقف أو الكلام ده عليك؟ | |
|
ayoub
عدد الرسائل : 1291 العمر : 31 مزاج : نقاط : 55963 3 ( mms ) : تاريخ التسجيل : 22/01/2009
| موضوع: رد: يا صباح القلق و التخاريف و العقل الخفيف********** منقول الإثنين فبراير 02, 2009 6:35 am | |
| | |
|
خماس امين
عدد الرسائل : 2080 العمر : 33 الموقع : www.topdz.yoo7.com مزاج : نقاط : 66318 4 ( mms ) : تاريخ التسجيل : 28/09/2008
| موضوع: رد: يا صباح القلق و التخاريف و العقل الخفيف********** منقول الإثنين فبراير 23, 2009 4:44 pm | |
| | |
|