خطوات تصميم بطاقة متكاملة

السلام عليكم ورحمة الله وبركاته

كيفكم ,, إن شاء الله كويسين



درسنا اليوم هو الدرس العاشر


( خطوات تصميم بطاقة متكاملة )





خطوات تصميم بطاقة متكاملة :-


1\ تحديد فكرة التصميم:

تحدد فكرة التصميم أول شيء وتحدد بطاقتك تتكلم عن أي موضوع وعلى أساسه تكمل باقي الخطوات


2\تحديد المقطع الصوتي :

بعد مانحدد فكرة البطاقة نختار المقطع الصوتي سواء آيات أو أحاديث صوتية أو قصيدة أو أنشودة --- الخ

وأحياناً أنا أختار المقطع الصوتي وبعدين أحدد فكرة التصميم يعني ممكن 1 يحل محل 2

بعد مانحدد المقطع الصوتي نبدأ نشوف وشو الكلام اللي نبيه من الصوت ونحذف الباقي

يعني نسوي إستيراد للصوت في برامج قص الصوت ( كثيرة برامج قص الصوت تلقونها هنا بالقسم وفيه موضوع مستلزمات السويتش فيه أغلب ماتحتاجون) ونبدأ نقص الصوت


3\ كتابة النص :

نكتب النص في ملاحظة أفضل من كتابتها في برنامج السويتش ونسوي لها نسخ ولصق في البرنامج ونعدل عالحجم واللون والخط


4\تصميم البطاقة بالفوتوشوب :

نروح الفوتوشوب ونبدأ بتصميم صور البطاقة العدد اللي تبي طبعا لاتنسون صورة مشهد التحميل


5\بدأ العمل في برنامج السويتش :

أ - نحدد الشكل العام للبطاقة ( هل راح تكون البطاقة بمرور الماوس أو تشتغل عادي مثل أغلب البطاقات -- الخ)

ب - بعدها نعمل إستيراد للصور والمقطع الصوتي

ج - نبدأ بمؤثرات النص وتوافقها مع الصوت وطريقة تناغمها مع البطاقة ككل

د - ولاتنسون مؤثرات الصور وطريقة تداخلها

هـ - أزرار البدء والإعادة

و - مشهد التحميل

ز - نضع لمسات أخيرة :

مثلاً نفسك تضيف ملف مفتوح لازم تنتبه على إن الملف لازم يكون متناسق مع التصميم

ولاتكثرون ترى ماتزين التصميم


ح - لاتنسى تضع حقوقك لك خيارين :

1- تكتبها في وقت تصميم البطاقة في الفوتوشوب

2- تكتبها في وقت تصميم البطاقة في السويتش

طبعاً في وقت الفوتوشوب أفضل ,, عشان لو كتبتها في وقت السويتش يقدر أحد يعمل إستيراد لفلاشك ويمسح اسمك ويحط اسمه , راح يكون الفوتو أصعب عليه شوي


6\ أنظر لبطاقتك بعد الإنتهاء بعين الناقد ~ وأصلح الأخطاء

لازم تنتبه عالخطوة ذي عشان تحاول تتفادى الأخطاء وتعدل اللي يبي تعديل - - - الخ


هذي هي الخطوات بشكل مبسط وسهل



الواجب

خذوا وقتكم عليه ماأبغاه في وقت محدد

صمموا بطاقة متكاملة

لاتقول : لا .. أستحي ,, أخاف ,, ماأعرف ,,

محد مولود عالم شوي شوي تصل بإذن الله لـ مرادك ~ واحنا هنا لمساعدتكم