مَكْتوُبْ قَالْ اَنَا لِيهَا وْهِيَ لِيَّا

بَرْكَه آ قَلْبِي دَمْعَكْ زَادْ تَشْطَانِي****بَرْكَه آ لْمَـكْوِي لاَ تْزيدْ عْلِيَّا****خلَّـينِي فِي بَحْـرِي وْمَــوْجَاتُو

حَبِّيتْ وَقْدِيتْ دُخّـَانْكْ اعْـــمَانِي****بَعْدْمَا هُمْ هَجْرُوكْ وَلّـِيتْ لَيَّا****مَا يَــبْكِي اللِّي ايْـدُه ضَـرْبَاتُو

حَبِّيتْ وْخَلِّيتْ لِي مَارَهْ دَخْـلاَنِي****وَحْشْ الَزَّيْنَه رَاهْ سَـاكَنْ فِيَّا****عَــلَّمْنِي فَـنْ الْعُشْقْ وْلَوْعَاتُو

رَبِّيتْ حُبّكْ كِطْـويِرْ بِينْ حْــضَانِي****كِطْلَعْ ريشُو رَاحْ وْــشَدْ الثْنِيّا****فـَـرْفَــرْ طـَــارْ وَالْغُـــرْبَه ادَّاتُو

يُوْمْ تَبَّعْتَكْ رَاهْ الْحُـزَنْ سَـامَـانِي****مَا شُفْتْ السَّعْدْ وْلاَ طَلْ عْلِيَّا****وْمَا نَلْتْ مَلْحُـبْ غِي دَمْعَاتُو

نَتْفَكَّرْ وَلْفِي وْمِلْفـِكْرْبِهَا نْــعَانِي****نَسْهَرْاللَـْيلْ مَا غَمْضُوعَــيْنِّيَّا****غِي وَحْـدِي نَحْـسَبْ نَـجْمَاتُو

مَا تَدْرِي مِنْ وَحْشْهَا انَا كِــرَانِي****وْصَابَرْ كِللِّي هَازْ جْمَرْ فِـيْدَيَّا****قَدَّشْ نُـصْـبُرْ عْــلَى حَـرْقَـــاتُو

غْــرِيبْ بْــلاَ بـِـيهَا رَانِي بــَرَّانِي****حْيُوطْ لْغُرْبَه رَاهُمْ شَـبْعُو بِيَّا****كُلْ لـَــــيْلْ وْ كِيـــفَاهْ نـْــــــبَاتُو

طْرِيقِي مُوْحَشْ لاَ خِلْ وَسَـانِي****مَـنْهُو لِيْنَسِّينِي لَعْـزيزَه عْلِيَّا****مَنـْـهُو اللِّي يْـــدَاوِي بْكَــلْمَاتُو

كـَانَتْ كِالشمْــعَه تْنَـوَّرْ اَرْكــَانِي****حـَالِي دِيمَا زينْ مَا دَامَتْ هِيَّا****عـُــمْرِي وْهـِـيَ اللِّي وَاتـَــاتُو

بَرْكَه آقَلْبِي رَاكْ حَيَّرْتْ امْـحَانِي****كِعَـشْ النْحَلْ جَنْ يْحَـارَبْ فِيَّا****عْلـَى لَحْــمِي حَــــطْ لَـدْغـَــاتُو

طِـيتْ اللِّي عـِـنْدي وْمَا كْـــفَانِي****مـَا بْقــَالِي شِي يَرْضِّيهْ عْلِيَّا****قَسـْـمُو قَلْبِي وْلاَحـُـو شْــتَاتُو

يَا مْفَرْقِينْ الاحْــبَابْ يَا عَـــدْيَانِي****نْـوَكَّلْ رَبِّي هُـوَ لِّي عَـالَمْ بِيَّا****حَــرّمْ الظُّلْمْ عَــلَى مَخْـلُوقَــاتُو

لْوِيــنْ تـْـرُوحُو مـِــنَ الْفُوقــــَانِي****يـُوْمْ لاَ يَنْــفَعْ الجــَاهْ لاَ الذَرِّيَّا****كُلْ حَـــدْ ثَـــمَّه يَقـْـــرَا لَوْحـَــاتُو

اَنَـا حَــبِّيتْ وْالرَّبْ اللِّي عْــطَانِي****مَكْتوُبْ قَالْ اَنَا لِيهَا وْهِيَ لِيَّا****وْذَا يَكـْـــفِي قـَــــلْبِي لْمـَـــمَاتُو